மெலட்டோனின் பக்க விளைவுகள் என்ன?

மெலட்டோனின் பக்க விளைவுகள் என்ன?

மெலடோனின் என்பது உங்கள் உடலில் சுரக்கும் இயற்கையான ஹார்மோன் ஆகும் .,மெலடோனின் உடலில் உள்ள பல்வேறு திசுக்களால் உற்பத்தி செய்யப்படுகிறது, இருப்பினும் முக்கிய ஆதாரம் மூளையில் உள்ள பினியல் சுரப்பி ஆகும், இது உங்கள் விழிப்பு-தூக்க சுழற்சியை பராமரிக்க உதவுகிறது (“உயிரியல் கடிகாரம்” என்றும் அழைக்கப்படுகிறது) இரவில் தூங்கிய முடித்து நீங்கலாக காலையில் கண்விழிக்கும் நேரம் தன்னிச்சையாக இந்த அர்மோன்கள் மூலம் கட்டுபடுத்த படுகிறது இரவு 11 மணி முதல் மூன்று மணிவரை 200 picograms (pg) per ml என்ற அளவில் சுரக்கிறது , அதிகமாக கண்விழிப்பது மற்றும் இரவு முழுவதும் வெளிச்சத்தில் இருப்பது போன்றவை மெலடோனின் சுரப்பதை குறைகிறது, இருட்டில் மெலடோனின் பகலைவிட 10 மடங்கு அதிகமாக சுரக்கிறது.

இயற்கை மெலடோனின் என்பது லிப்பிட் கரையக்கூடிய ஹார்மோன் ஆகும். இது அமினோ அமிலம் டிரிப்டோபனிலிருந்து தொகுக்கப்பட்டு பின்னர் இரத்தம் மற்றும் செரிப்ரோஸ்பைனல் திரவத்தில் வெளியாகி, இரத்த-மூளைத் தடையைத் தாண்டுகிறது. இது தூக்கம் மற்றும் விழிப்பு சுழற்சிகளைக் கட்டுப்படுத்த உதவும் மூளை மற்றும் உடலின் பிற பகுதிகளுக்கு செய்திகளை அனுப்புகிறது.

செயற்கை மெலடோனின்

துணைப் பொருளாக எடுத்துக் கொள்ளும்போது, ​​அதன் செயல்பாடு இயற்கை ஹார்மோனின் விளைவுகளைப் பிரதிபலிப்பதாகும் இருக்கும் . தூக்கநிலை பொதுவாக ஒரு டோஸ் எடுத்த 30 நிமிடங்களுக்குள் ஏற்படுகிறது. இருப்பினும், இந்த மருந்தை படுக்கைக்கு முன்பே எடுத்துக்கொள்வது அனைத்து தூக்கக் கோளாறுகளுக்கும் சிறந்த உத்தி அல்ல.

செயற்கை மெலடோனின் எடுத்துக்கொள்வதற்கு முன் கவனத்தில்கொள்ளவேண்டியது

உங்களுக்கு அலர்ஜி இருந்தால் மெலடோனின் பயன்படுத்த வேண்டாம்.

இல்லை பின்வரும் மருத்துவ நிலை ஏதாவது இருந்தால் உங்கள் மருத்துவரிடம் ஆலோசனை செய்வது அவசியம்.

• நீரிழிவு நோய்
• மனச்சோர்வு
• ஹீமோபிலியா போன்ற இரத்தப்போக்கு அல்லது இரத்த உறைதல் கோளாறு
• உயர் அல்லது குறைந்த இரத்த அழுத்தம்
• கால்-கை வலிப்பு அல்லது பிற வலிப்பு நோய்கள்
• warfarin போன்ற இரத்த இளக்கி மருந்துகள்
• பிற மயக்க மருந்துகள் அல்லது துக்கம் மருந்து.

இந்த மருந்து பிறக்காத குழந்தைக்கு தீங்கு விளைவிக்கும் என்பது குறித்து குறிப்புக்கள் இல்லை ஆனால் . கர்ப்பமாக இருந்தால் மருத்துவ ஆலோசனையின்றி இந்த மருந்தை பயன்படுத்த வேண்டாம் என்று அறிவுறுத்த படுகிறது

இந்த மருந்தின் அதிக அளவு அண்டவிடுப்பை பாதிக்கலாம், இதனால் பெண்கள் கர்ப்பம் தரிப்பது கடினம்

பாலூட்டும் தாய்மார்கள் மருத்துவ ஆலோசனை இன்றி இந்த மருந்தை எடுத்துக்கொள்வதை தவிர்க்கவும்.

செயற்கை மெலடோனின் பயன் படுத்துவது பாதுகாப்பானதா ?

குறுகியகாலம் இந்த மருந்தை பயன்படுத்துவது பாதுகாப்பானது தான் ஆனால் நீண்ட கால பயன்பாடு சில பின்வரும் அசாதரண விளைவுகளை ஏற்படுத்தலாம் .

• பகல்நேர மயக்கம், தலைச்சுற்றல், பலவீனம் அல்லது குழப்பம்
• அசாதரண கனவுகள் , மனச்சோர்வு, கவலை மற்றும் தலைவலி
• பசியின்மை, வயிற்றுப்போக்கு, குமட்டல், வயிற்று வலி
• இரத்த அழுத்தம் மாற்றங்கள்
• மூட்டு அல்லது முதுகுவலி
• வலிப்பு ஏற்பட வாய்ப்புகள்

செயற்கை மெலடோனின் குறித்து ஆராய்ச்சி குறிப்புக்கள்

ஆராய்ச்சியாளர்கள் பல்வேறு நிலைமைகளுக்கு மெலடோனின் சப்ளிமெண்ட்ஸ் குறித்து பல ஆய்வுகளை மேற்கொண்டுள்ளனர். Jet lag (ஜெட் லேக்), ஷிப்ட் வேலை தூக்கக் கோளாறுகள், தாமதமான தூக்க கட்டக் கோளாறு மற்றும் தூக்கமின்மை போன்ற தூக்கக் கோளாறுகளில் பெரும்பாலான ஆய்வுகள் நடத்தப்பட்டுள்ளன. இருப்பினும், ஆய்வுகள் பெரும்பாலும் அவற்றின் முடிவுகளில் ஒத்துப்போகவில்லை மற்றும் சில தூக்க நிலைமைகளுக்கு அதன் பயன், அளவு, சிகிச்சையின் நீளம் மற்றும் நீண்டகால பாதுகாப்பு குறித்து கேள்விகள் இன்னும் தொடர்கிறது

எந்த உணவில் மெலடோனின் உள்ளது

• தக்காளி
• அக்ரூட் பருப்புகள்
• அரிசி / பார்லி தானியங்கள்
• ஸ்ட்ராபெர்ரி, புளிப்பு செர்ரி
• ஆலிவ் எண்ணெய்
• பீர், ஒயின்
• பசுவின் பால்